Kven kjem til torgs i 2024?

9. sep.

Her presenterer vi torghandlarane som kjem på marknaden på Fruktbare dagar, laurdag 5. oktober.

Aguiar Bartending & Mixology

Aguiar Bartending & Mixology lager spennende, alkoholfrie drinkar av nøye utvalde lokale produkter og råvarer. Heimelaga sirup, juice og nektar frå kjende gardar i området, og frukt frå nærområdet utgjer grunnlaget for desse magiske drikkane.

Produkt: Alkoholfrie cocktails m.m.

Alm Gard Iskrem

Laurien Geerse og Guus Morel frå Alm Gard kjem over fjorden frå Feios og har med seg økologiske ostar, økologisk is og honning i vogna si.

Produkt: Ost, is og honning

Baldervoll frukt- og vingard

Iselin Kjelsaas og Leif Inge Husabø kjem med lekre, lokale eple i både nyplukka og tørka fasong. Kassesal av eplesorten aroma.

Produkt: Eple og tørka eple.

Borgund Vedovnsbakeri

Matias Askvik frå Borgund Vedovnsbakeri tryllar fram dei lekraste brød og bakevarer frå vedovnen sin i bakstekjellaren på Borgund i Lærdal.

Produkt: Surdeigsbrød og anna bakst.

Dalsgarden - Magne Opthun

Aud Torun Strømseng og Magne Opthun kjem med knallgode eple og eplemost produsert lokalt på Dalsgarden. Kassesal av eplesortane gul gravenstein og aroma.

Produkt: Eple og eplemost.

Eggjane Gard - Knut Eggum

Knut sine kubar står på Eggja. Biene flyg ned på Hamre, Fosshagen og Fosse og på blomsterengene på Eggja, og sankar nektar frå ei mengd ulike blomar. Dette er sommarhonning av beste sort!

Produkt: Honning

Frk. Engsbråten

Frk.Engsbråten kommer med masse håndlaget Munngodt!

Produkt: heimelaga godteri, sukkerspinn

Galleri Vang -
Grete Lund Johannesen

Grete Lund Johannesen frå Galleri Vang har salsutstilling i lokala til Skald i Gamlehotellet fredag til søndag.

Produkt: måleri og teikningar.

Gullbia

Heidi Eiken og Anne Sigrid Skjerdal sine bier lagar deilig honning frå lokale frukthagar på Gjerde, Grinde, Fosshaga, Halland, Lomelde og Lunden.

Heidi Eiken har også med seg eigenproduserte lammeskinn.

Produkt: Honning og lammeskinn.

Henjatunet Eggjagarden

Produkt: Eplesaft av eigne eple.

Johanne Malene Teigen

Johanne stiller ut kunst i RiverDal-kafeen i Saften laurdag kl. 9-15.

Produkt: Bilete i akryl og grafikk.

Keipen Lokalmat

Røyking av laks har lange tradisjonar her i Sogn. Me gjer det på gamlemåten. Me tørrsaltar før me kaldrøykjer og slik får me ein god balanse mellom det reine, salte og røykte. Visste du at det tek over hundre timar å lage røykelaksen me sel?

Produkt: Røykt aure og laks.

Leikanger Jakt- og Fiskelag og Osland AS

Gratis smaksprøver av grilla fisk og vilt

Loppemarknad - Leikanger skulemusikk

Leikanger skulemusikk inviterer til årets største loppemarknad laurdag 5. oktober, der du kan finne både gode bruktkjøp og retroskattar. Loppemarknaden finn stad utanfor Saften. Marknadsbodene opnar kl. 10 og held ope til kl. 15.

Kontaktperson: Karina Nerland og Katrine R. Wilson

Har du lopper å donere? Meir info på https://leikanger.skulemusikk.no/loppemarknad

Lærdal Torg

Ernesto Labarca frå Lærdal Torg kjem med lastebilen full av poteter og mange slags grønsaker. Her får du som alltid gode og fine poteter m.m. som kan lagrast utover vinteren!

Produkt: Grønsaker og poteter.

Marås Hjort

Siv Merete og Knut Marås i Marås Hjort driv hjortefarm i Mørkridsdalen, der dei produserer snaddermat av ekte lustrahjort.

Produkt: Spekepølser og hjortekjøt.

Njøsagarden Kvaole

På Njøsagarden Kvaole i Sogndal har Jostein og Jorunn Kvåle glade geiter som produserer skinn, ull og kjøt av beste kvalitet.

Produkt: Geiteskinn og kasjmirgarn, spekepølse av geit.

Norane Fruktgard / Sognamost

Produkt: Sognamost.

Salah Khaled

Salah Khaled kjem med Sognahonning frå Sogndal.

Produkt: honning

Skjerdal Stølsysteri

www.skjerdal.com

Produkt: Kvit og brun geitost, spekepølse , eplesaft, kjeskinn

Smedegaard Smithing

På Hafslo i Luster produser Even Kvåle Sanden håndlaga smedprodukter av stor diversitet. Alt blir håndlaga og skapt med lidenskap, og ein kvar gjenstand vil vere heilt unik!

Produkt: Diverse verktøy som knivar og liknande. Ulike typar krokar og knaggar. Pyntegjenstandar som smykker og ringar. Det blir også stilt ut dreia fat, skåler og figurar i tre, som er fine dekorasjonar til hus og hytte. Sjå eksempel på produkta på nettsida, Facebook og Instagram

I tillegg blir det framvisning av smia og enkel produksjon.

Solsikka Glassdesign

Solsikka Glassdesign har salsutstilling i lokala til Skald i Gamlehotellet fredag til søndag.

Siri Beate Aronsen lagar lyshus i mange fine fargar, glasfigurar, englar, juledekorasjonar m.m. Eksempel finn du på sidene hennar på Facebook og Instagram.

Produkt: Glaskunst.

Solveig Vagstad

Solveig Vagstad frå Leikanger stiller ut akvarell og grafikk i RiverDal-kafeen i Saften laurdag kl. 9-15.

Som kunstnar og illustratør er Solveig opptatt av å lage verk som berører viktige tema, som t.d. naturen og barn, kvinners og jenters rettigheiter. Solveig er og opptatt av kjensler og uttrykk for venskap, å høyre til, utanforskap og einsemd. Ein grunnleggande tanke er å gjere usynlege synlege.

Produkt: Teikningar, akvarellar og linoleumstrykk.

Synnøve Fretheim

Synnøve frå Årdal kan kunsten å bake lefser!

Produkt: Sunnfjordlefse og lefsekling.

Syrstrand Gartneri / Hageland Leikanger

Produkt: Blomar, jus.

Tegneglede av Stine Steig

Stine Steig målar, teiknar og syr flotte saker! Eksempel på produkta finn du på sidene hennar på Facebook og Instagram.

Produkt: Heimasydde dokkleklede, småvesker, makramearmband, akvarellmaleri av dyr, m.m.

Tupperware

Cecilie Sørlie kjem med Tupperware-produkt.

Ho har også ei Facebook-gruppe som ein kan verte med i, og kan nås på telefonnr 95 779 779 for bestilling andre dagar enn marknadslaurdagen.

Undredal Stølsysteri

www.undredalsost.no

Produkt: kvit og brun geitost

Veitastrond Gardsysteri

Veitastrond Gardsysteri held til på Veitastrond i Luster, og lagar geitost frå eiga mjølk.

Produkt: brun geitost, kardemommeost og prim.

Vikja

Produkt: Spekemat, kjøtvarer, skinn - økologisk.

VoV Smykker

Turid Vikøren er ein utflytta systrending som produserer handlaga sølvsmykke.

"VoV" står for "Ven og Varig": Smykkene skal gjera deg ven og få deg til å "skina litt ekstra". Det er også viktig at dei er varige: dei er laga av edelt metall og kan vølast (reparerast) om dei blir øydelagde - eller dei kan redesignast dersom du ynskjer noko nytt.

Sjå eksempel på smykka på vovsmykker.epla.no

Yada Thaimat

No er vårrullene proppfulle med lokale grønnsaker!

Sjå meir info på nettsida deira, Facebook og Instagram

Øksdalssyssel

Mona Øksdal

Produkt: Hekla produkt, øyredobber og smykke som er handlaga, hekla babyprodukt m.m.

Opplev Leikanger