Vellykka næringslivsmøte om samarbeid mellom Sogndal og Leikanger

Agnar Holen (t.v), Jon Håkon Odd og Per Odd Grevsnes var godt nøg med oppmøte og kvelden i Villmarka.

På veg inn i «Nye Sogndal kommune» er auka samarbeid mellom næringslivet i Sogndal og Leikanger eit viktig fokus.

Det møtte kring 40 personar på næringslivsmøte som vart halde i dei nye lokala til Villmarka den 6 juni. Det vart lagt opp som eit informasjonsmøte, der vår styreleiar Roar Werner Vangsnes leia møte og starta med informasjon om aktiviteten i Opplev Leikanger.

Ordførar Jon Håkon Odd fylgde opp og tok utgangspunkt i Leikanger frå særstilling til omstilling, på veg inn i «Nye sogndal kommune». Han snakka om det som vil skje i tida som kjem når nye Sogndal kommune skal etablerast. I denne fasen er det også viktig at næringslivet i Leikanger er med på denne utviklinga, understreka ordføraren.

Per Odd Grevsnes frå Sogn Næring as ser fram til å kunne bidra sterkere med næringslivsarbeidet i Leikanger. No har dei slått næringsarbeidet saman mellom Sogndal og Leikanger, noko han gir syngergiar innan næringslivet framover.

Agnar Holen som er styreleiar i Sogn Næring as, avslutta den faglege delen med å informera om det nye Sogndal Næringsforum. Bakgrunnen for å skipa det, er å få eit sterkare og meir samlande næringslivsarbeid i kommunen, og ha ei stemme ut viktige saker om angår næringslivet. Her håpar han at vi i Opplev Leikanger kan vera ein viktig koplingsboks til næringslivsarbeidet i Leikanger. Holen understreka at det er viktig at det skjer eit aktivt arbeid ute i dei lokale laga, men at det er viktig å få ei samlande næringskraft i regionen.

Per Steinar Melåas tok ordet til slutt og informerte om nyetableringa Villmarka, som no er i gang, og håpar det kan vera eit frisk pust inn i Leikangersamfunnet.

Dette var ein vellykka kveld vi håper det blir fleire av.

Har du lyst å støtte arbeidet i Opplev Leikanger? Bli støttemedlem her.

Per Steinar Melås gav oss ein «liten dessert»  etter innleiingsforedrag til dei frammøtte.

Per Odd Grevsnes i Sogn Næring As har tru på eit godt smarbeid med næringslivet i Leikanger