Velkomen på årsmøte 3. mars!
Vi held årsmøte i Opplev Leikanger og inviterer til ope møte om møteplassar i sentrum, måndag den 3. mars kl. 19.00 i Firdasalen på Fylkeshuset på Leikanger. Det vert også høve til ei omvising i det “nye” Fylkeshuset kl. 18.00.
Program
18.00 - Omvising i det ombygde Fylkeshuset - Tore Oddvin Stølen
19.00 - Årsmøte for Opplev Leikanger
20.00 - Temamøte om møteplassar i sentrum.
Framdrifta i Saften - Tage Rikard Sundell, Sogndal kommune
Møteplassar utanom Saften - Trude Risnes og Gunn Helen Henne, Opplev Leikanger
Både årsmøtet, omvisinga og temamøtet er opne for alle. Alle betalande medlemmer har stemmerett på årsmøtet.
Det blir også noko å bite i undervegs.
Årsmøte
Sakliste:
Godkjenning av innkalling og saklista
Val av møteleiar og referent, og to til å signere protokollen
Rekneskap 2024 med budsjett 2025
Innkomne saker
Kontingentsatsar
Val
Saker som skal takast opp på årsmøtet (pkt. 5), må meldast inn til styret innan måndag 24. februar.
Årsmøtedokumenta er sendt ut til medlemmene på e-post.
Ope møte: Møteplassar i sentrum
Kor langt er arbeida med Saften komne no? Kva skjer vidare utover våren?
Ei stadig gjentakande tilbakemelding om kva mange ønskjer seg for at Leikanger skal bli ein endå betre plass å bu, er møteplassar i sentrum. Kva kan vi få til med det i 2025?
Hugsar du å betale kontingenten?
Faktura for medlemskontingenten for 2025 er sendt ut på e-post. Om du ikkje har fått noko frå oss, kan det vere at vi ikkje har korrekt e-postadresse til deg, eller har vore litt ivrige med oppryddinga i medlemsregisteret ved nyttår. Eller kanskje du vil melde deg inn for første gong no i år?
Ta kontakt for innmelding via meldeskjemaet vårt eller om kva som helst på e-post til OpplevLeikanger@gmail.com, så slepper vi deg inn i varmen!
Hjarteleg velkomne på måndag 3. mars, alle saman - og ta gjerne med naboen, ein kollega, eller andre du kjenner! 😊